მასალების გაგზავნა
ევროპის უნივერსიტეტის აკადემიკოს ანდრია აფაქიძის სახელობის არქეოლოგიის ინსტიტუტის სამეცნიერო-კვლევით ჯურნალში ,,არქეოლოგია“ გამოსაქვეყნებელი მასალის გაფორმებისა და წარდგენის წესები
(სამეცნიერო სტატია, ანგარიში, კატალოგი)
სტატიის გაფორმების წესი:
ავტორებს სტატიები შეუძლიათ წარმოადგინონ ქართულ, რუსულ და ინგლისურ ენაზე. წარმოდგენილი კვლევის მოცულობის რეკომენდირებული ზღვარია 30 გვერდი, ბიბლიოგრაფიისა და ილუსტრაციების ჩათვლით (დადგენილი ზღვარი არ ვრცელდება საველე ანგარიშისა და კატალოგის წარდგენის შემთხვევაში).
ძირითადი ტექსტის ფორმატი:
- გვერდის ფორმატი - A4
- მინდორი ზევით-ქვევით - 2.5სმ; მარჯვნივ-მარცხნივ - 2.5სმ.
- გამოყენებული შრიფტი - ქართული და რუსული ენისათვის Sylfaen (სხვა დანარჩენ ენაზე შესრულებული ტექსტისათვის - Times New Romans/Arial)
- სქოლიოში გამოიყენება ტექსტის შესაბამისი შრიფტი
- ძირითადი ნაწილის შრიფტის ზომა - 11, სქოლიო - 10
- სტრიქონებს შორის მანძილი - 1.5
- აბზაცი - კეთდება ერთსანტიმეტრიანი ინტერვალით
- გვერდი არ უნდა დაინომროს
სტატიის სტრუქტურული ერთეულები:
- სტატიის სათაური (ცენტრირებული, Bold, შრიფტის ზომა 12).
- მონაცემები ავტორის შესახებ: ავტორის (ავტორების) სახელი, გვარი, აკადემიური ხარისხი, აკადემიური თანამდებობა, სამუშაო/სწავლის ადგილი, საკონტაქტო, ქალაქი, ქვეყანა; (მარჯვენა კიდეში, შრიფტის ზომა 11);
- საკვანძო სიტყვები მინიმუმ 5 და არაუმეტეს 7, საკვანძო სიტყვა ასახავს სამეცნიერო ნაშრომში განხილულ ძირითად კონცეფციებს. არ გამოიყენება რამდენიმე ან ზოგადი კონცეფციის მომცველი სიტყვა, ასევე აბრევიატურები. იგი ეხმარება მკითხველს შესაბამისი სტატიის მოძიებაში.
- აბსტრაქტი წარმოადგენს სტატიაში განსახილველი თემის აღწერასა და ძირითადი საკითხების შეჯამებას. იგი მოკლედ გადმოსცემს ნაშრომის შინაარსს. აბსტრაქტის მიზანია ძირითადი ტექსტის წაკითხვის გარეშე გახადოს გასაგები მკითხველისთვის მეცნიერული პრობლემატიკა. აბსტრაქტი უნდა შედგებოდეს 150-250 სიტყვისგან.
- ტექსტის ძირითად ნაწილში წარმოდგენილია თემის შინაარსი. სადაც მნიშვნელოვანი ადგილი ეთმობა კვლევის აღწერასა და შედეგების ანალიზს, თავად კვლევის პროცესსა და თანმიმდევრულ მსჯელობას, რომლის შედეგადაც კეთდება თეორიული დასკვნები, შუალედური შედეგები და საერთო დასკვნის დასაბუთება.
- დასკვნა არის კვლევის შედეგების შეჯამება. წარმოაჩენს კვლევის მთავარ არსს და მის ღირებულებას, აღწერს ძირითად მიგნებებსა და შესაძლო რეკომენდაციებს, ქმნის კვლევის შემდგომი გაგრძელების პერსპექტივასა და ინტერესს.
- წარმოდგენილ უნდა იქნეს სტატიის ელექტრონული ვერსია ელფოსტაზე:
ანგარიში
ანგარიში, ისევე როგორც სამეცნიერო სტატია, წარმოდგენილი უნდა იყოს დადგენილი სტრუქტურითა და ფორმატით.
ანგარიშის სტრუქტურა და ფორმატი:
- ანგარიშის სათაური (ცენტრირებული, Bold, შრიფტის ზომა 12).
- მონაცემები ავტორის შესახებ: ავტორის (ავტორების) სახელი, გვარი, აკადემიური ხარისხი, აკადემიური თანამდებობა, სამუშაო/სწავლის ადგილი, საკონტაქტო, ქალაქი, ქვეყანა; (მარჯვენა კიდეში, შრიფტის ზომა 11);
- აბსტრაქტი
- ძირითადი ნაწილი
ანგარიშის მოცულობის ზღვარი დასაშვებია აღემატებოდეს 30 გვერდს.
ტექსტის ძირითადი ნაწილი უნდა შეიცავდეს შესავალს, კვლევის მეთოდებს, შედეგებს და შედეგების განხილვას.
- ანგარიშის შესავალი ცალკე ქვესათაურით (,,შესავალი“) არ გამოიყოფა. მასში აისახება ინფორმაციული ფონი და კვლევის მიზანი.
- კვლევის მეთოდებში წარმოდგენილი უნდა იყოს დეტალური ინფორმაცია კვლევაში მონაწილე პერსონალის, საკვლევი მასალის და კვლევის პროცედურების შესახებ. აღნიშნული ნაწილი შესაძლებელია გამოიყოს ქვეერთეულად.
- ,,შედეგები“ აჯამებს კვლევით მიღწეულ მონაცემებს.
- ,,შედეგების განხილვა“-ში უნდა ჩანდეს მანამდე წარმოებულ კვლევებთან შედარებითი ანალიზი და მიმდინარე კვლევის შედეგად მიღებულ მონაცემთა ინტერპრეტაცია. მას შეიძლება მოჰყვებოდეს ,,რეკომენდაციები“.
კატალოგი:
კატალოგი, წარმოდგენილი უნდა იყოს დადგენილი სტრუქტურითა და ფორმატით. უნდა შეიცავდეს: მონაცემებს ავტორის შესახებ: ავტორის (ავტორების) სახელი, გვარი, აკადემიური ხარისხი, აკადემიური თანამდებობა, სამუშაო/სწავლის ადგილი, საკონტაქტო, ქალაქი, ქვეყანა; (მარჯვენა კიდეში, შრიფტის ზომა 11); მოკლე ინფორმაციას კატალოგის შინაარსისა და რაობის შესახებ; ძირითადი ნაწილი დაეთმობა კატალოგში შემავალ ნივთების/არტეფაქტების ილუსტრაციებსა და მათ აღწერილობასა.
მათი მოცულობის ზღვარიც დასაშვებია აღემატებოდეს 30 გვერდს.
ლიტერატურის/წყაროების მითითების წესი:
ლიტერატურის/წყაროს მინიშნება ხდება ძირითადი ტექსტიდანვე. სათანადო ადგილას, კვადრატულ ფრჩხილებში განთავსდება: ავტორი, თარიღი და შესაბამისი გვერდების ნომრები, მაგ: [ყიფიანი გ. 2002:15-20]. ნაშრომის ბოლოს, გამოყენებული ლიტერატურის ჩამონათვალში/ბიბლიოგრაფიაში, აღინიშნება ყველა წყარო სრული ფორმით.
ტექსტში, ერთი და იმავე ავტორის ერთი და იმავე წელს გამოცემული ნაშრომები ეთითება შემდეგი სახით:
ნონეშვილი ალ. 2021ა: ...
ნონეშვილი ალ. 2021ბ: ...
ტექსტში, ავტორის შენიშვნები ეთითება მრგვალ ფრჩხილებში, მაგ: (ხაზი ჩემია თ. ბ.)
ციტირება:
პირდაპირი ციტირების შემთხვევაში, ტექსტი უნდა განთავსდეს ბრჭყალებში. ორ სტრიქონზე მეტი ამონარიდი (ზემოდანაც და ქვემოდანაც) უნდა გამოიყოს ძირითადი ტექსტისაგან და შეიწიოს აბზაცის დონეზე. გამოტოვებული ადგილების ნაცვლად უნდა დაისვას სამი წერტილი [...]. უცხოენოვანი წყაროს ციტირებისას სასურველია ქართული თარგმანის წარმოდგენა. ავტორის მიერ მოყვანილ ციტირებას უნდა მიეთითოს შესაბამისი გვერდები წყაროდან.
ბიბლიოგრაფიის მითითების მაგალითები:
დამოწმებული ლიტერატურა უნდა დალაგდეს ანბანური რიგის მიხედვით. ფონტის ზომა 12, სტრიქონებს შორის ინტერვალი 1.5. გამოყენებული ლიტერატურის ბიბლიოგრაფიულ აღწერილობაში, გამოცემის ადგილთან ერთად, უნდა მიეთითოს გამომცემლობაც.
სტატია:
ავტორის გვარი(ები), სახელის ინიციალი(ები), სტატიის სათაური, ჟურნალის დასახელება, გამოცემის ნომერი, გამოქვეყნების წელი, გვერდი(ები) (არსებობის შემთხვევაში - სტატიის იდენტიფიკატორი - ORCID Id / DOI).
(ნიმუში: ჯიბლაძე ლ., აფხაზეთი როგორც კოლხეთის ბრინჯაო-ადრერკინის ხანის არქეოლოგიური კულტურების განუყოფელი ნაწილი. სამეცნიერო-კვლევითი ჟურნალი ,,არქეოლოგია“, N6. ევროპის უნივერსიტეტის ისტორიულ-არქეოლოგიური მუზეუმი, აკად. ანდრია აფაქიძის სახელობის არქეოლოგიის ინსტიტუტი, 2021. გვ. 100-127).
წიგნი:
ავტორის გვარი(ები), სახელის ინიციალ(ებ)ი., ნაშრომის სათაური. ქალაქი, გამომცემელი/გამომცემლობა, წელი.
(ნიმუში: ყიფიანი გ., უფლისციხე. თბილისი, ,,ლოგოსი“, 2002).
ინტერნეტ რესურსი:
ავტორის გვარ(ებ)ი, სახელის ინიციალ(ებ)ი (გამოქვეყნების წელი, თვე, დღე). ნაშრომის სათაური. საიტის ბმული, ბოლო ნახვის თარიღი.
(ნიმუში: ხომასურიძე, ნ., პოლიტიკური დაფინანსების ანგარიშვალდებულებისა და გამჭვირვალობის გამოწვევები საქართველოში. ინფორმაციის თავისუფლების განვითარების ინსტიტუტი-IDFI. https://idfi.ge/ge/challenges_of_political_funding_accountability_and_transparency_in_georgia.: (2022, იანვარი 22), [ბოლო ნახვის თარიღი: თებერვალი 1, 2022].
წყაროს მითითების წესი:
ქართულენოვანი წყაროს დამოწმების შემთხვევაში, ტექსტში ეთითება ავტორი, სათაურის გარეშე. სტატიის შიგნით: [ლეონტი მროველი, 7]
ლიტერატურის ჩამონათვალში: ლეონტი მროველი. ცხოვრება ქართველთა მეფეთა, ,,ქართლის ცხოვრება“, I, ტექსტი დადგენილი ყველა ხელნაწერის მიხედვით ს. ყაუხჩიშვილის მიერ. თბილისი, ,,სახელგამი“, 1955.
უცხოენოვანი წყაროს თარგმანის დამოწმების შემთხვევაში უნდა მიეთითოს მთარგმნელის გვარი.
ილუსტრაციების გამოყენებისა და განთავსების წესი:
ჟურნალში საილუსტრაციო მასალა დაიბეჭდება ფერადად. წარმოდგენილ ილუსტრაციას უნდა ახლდეს აღწერილობა, შრიფტის ზომა - 11. ილუსტრაციები უხარვეზოდ უნდა აისახებოდეს ეკრანზე (რეკომენდირებული გარჩევისუნარიანობა 96-150 dpi).
ილუსტრაციების გამოყენების უფლებაზე პასუხისმგებელია ავტორი.
ილუსტრაციები (რუკები, ფოტომასალა / გეგმები / ანაზომები / ჩანახატები / კროკები / ცხრილები) განთავსდება ტექსტში ან ძირითადი ტექსტის შემდეგ, რომელთაც ქვემოთ დაერთვება აღწერილობა და ილუსტრაციის ავტორი. თითოეული ილუსტრაცია დაინომრება და შესაბამისი ნუმერაცია მითითებული იქნება ძირითად ტექსტში, ნიმუში: [სურ. 3, ნახ. 6 და ა.შ.].
