ოლიმპიური სპორტი და ნუმიზმატიკა

ანოტაცია

სტატია ეძღვნება ოლიმპიური სპორტის ისტორიისა და ნუმიზმატიკის ურთიერთკავშირს, კერძოდ, 1952-1980 წლებში გამართული ზაფხულის ოლიმპიური თამაშებისადმი მიძღვნილი საიუბილეო სამახსოვრო მონეტების სისტემატიზაციას და ანალიზს. კვლევა მოიცავს შვიდი ოლიმპიადის (XV ჰელსინკი 1952, XVIII ტოკიო 1964, XIX მეხიკო 1968, XX მიუნხენი 1972, XXI მონრეალი 1976, XXII მოსკოვი 1980) საიუბილეო მონეტების დეტალურ აღწერას, მათი ემბლემების სიმბოლიკას, ტექნიკურ მახასიათებლებს (შემადგენლობა, დიამეტრი, წონა, სისქე) და დიზაინის თავისებურებებს. წარმოდგენილია 1976 წლის მონრეალის ოლიმპიადის უნიკალური 30 მონეტის სერია (28 ვერცხლის, 2 ოქროს), რომელიც შვიდ თემატურ ჯგუფად იყოფა. ასევე, განხილულია 1980 წლის მოსკოვის ოლიმპიადის ვრცელი სერია (6 ნიკელ-სპილენძის, 28 ვერცხლის, 6 ოქროს, 5 პლატინის), რომელზეც წარმოდგენილია როგორც ოლიმპიური, ასევე სსრკ-ის ხალხთა ნაციონალური სპორტის სახეობები. კვლევა ასახავს სამონეტო ეზოების (ლენინგრადი, მოსკოვი, კარლსრუე, შტუტგარდი, ჰამბურგი) როლს, მხატვრების წვლილს და ტირაჟების მონაცემებს. ხაზგასმითაა წარმოჩენილი ოლიმპიური ნუმიზმატიკის მნიშვნელობა როგორც კულტურული მემკვიდრეობის, სპორტის ისტორიის დოკუმენტირებისა და საერთაშორისო თანამშრომლობის სიმბოლოს შენარჩუნების მხრივ. მასალა წარმოადგენს ღირებულ წყაროს ნუმიზმატებისა და ოლიმპიური თემატიკით დაინტერესებული მკვლევარებისთვის.